紅白機

" 紅白機" Famicom(FC)是 Nintendo 公司在1983年7月15日於日本發售的8位遊戲機，Famicom是Family Computer的簡寫。

有o甘上下年紀o既都知道紅白機有幾威！小弟得到家人o既寵愛，好細過就已經有自己的紅白機！

我記得係玩原裝帶架，買左一盒帶要打爆佢好多次！！之後快D去黄金 trade-in 換第個game！  直至磁碟機出現才轉玩磁碟。講起磁碟機，細過個時我唔知道原來D磁碟games係翻板架！因為從來都未見過原裝碟！！ 只係覺得奇怪"點解D磁碟隻隻都有D錯字呢?"

NINTEMDO, NIMTENDO, NINTEMDD.........

小學的我熱愛打機但不沈迷，一日最多1 or 2 hrs，印象最深刻的Games 係：

足球小將 - 用文字都可以踢波
聖鬥士星矢 - 一出就買
北斗之拳 - (T.T) 我打唔爆呀！！
不動明王傳 - 係第一盒3M o既帶！
影之傳說 - 我重記得點救公主

孖寶兄弟 - 我識無限1up！！
魂斗羅 - 點解D人成日打關斗?!
惡魔城 - 好難玩......

重有好多好多........兵蜂、1942、熱血系列、超級BB、火之鳥..............

好耐之前有朋友教用PC 玩番紅白機D games ，但我其實想用番紅白機玩先有feel。

自從2002年飛去日本秋葉縣買左好多紅白機帶之後，立志要做個紅白機帶大王！

先給大家看少少，以後我會慢慢連載我的收藏品比大家欣賞。

希望同好大家交流下！